Færsluflokkur: Bloggar
Smá hérna.......
8.9.2010 | 14:28
Letibloggarinn mikli - þó ekki sá allralatasti.
Sindri minn átti afmæli um síðustu helgi - yndislegi strákurinn minn - verður strákaboð heima næsta laugardag - vinir hans búnir að tryggja það - og að það verði heimatilbúnar veitingar....... þeir vilja ekki Dominospizzur..... heldur skemmtilega - öðruvísi heimatilbúnar veitingar!
Ég er búin að vera með einhverja fj..... augnsýkingu - með rauð og sokkin augu - væri hægt að halda að ég væri búin að liggja í drykkju í marga daga - hic....... dæli áburði í augun - og er svei mér þá - aðeins að skána...... ástæða þessa ókunn- gæti þó stafað af augnbaði upp úr spritti...... jebb.... snilldartaktar hjá mér - ákvað s.l. föstudag að setja spritt á hendurnar á mér eftir klósettferð hér í vinnunni - einhver stífla var í pumpunni - og sprautaðist beina leið upp í augun á mér....... þegar ég kom út af klósettinu - hefði verið hægt að halda að þar hefði ég setið hágrenjandi og drekkandi......... - ilmandi af spritt - og afar rauðeygð........
Sumarið hefur liðið allt of fljótt - skil´ett´ekki....... við ferðuðumst um Vestfirði í ágætu veðri - vorum í sumarbústað tengdó í viku - í afslöppun og leti - ættarmót á Galtalæk - þar sem rigndi eldi og brennisteini aðaldaginn - við erum búin að fara í veiði - veiðidella hefur heltekið suma fjölskyldumeðlimi........ ég næ ekki að veiða neitt nema drullu - maður skellir því ekki á grillið - Ingi fékk veiðidellu - en verður að hafa mig með - þar sem hann hefur 10 þumalputta....... - einhver þarf að gera hnútana - og tæla fiskana að landi - ætli ég sé ekki lukkudýrið hans Inga :)
Vinnan alltaf á sínum stað - óléttan virðist vera að ganga hér á svæðinu - en - hún nær ekki í skottið á mér...... guð....... ég myndi ekki nenna því - hef 5 x orðið ólétt - og á í dag 4 yndisleg og heilbrigð börn - það er nóg fyrir mig !
Við systur ætlum bráðlega í skvísuferð út fyrir bæinn - nauðsynlegt aðeins að leyfa sér að smella sér í "húsmæðraorlof" - með kokteilablöndur undir arminum - og danstónlist af bestu gerð - ásamt smá kjaftasögum í pokahorninu! - Nauðsynlegt!
Gott í bili - kveðja frá þessari "ógeðslegamikiðbissífrúLauju"
Bloggar | Slóð | Facebook | Athugasemdir (1)
Í dag hefði mamma orðið 75 ára
7.7.2010 | 12:31
Já, í dag er afmælisdagurinn hennar mömmu, hefði hún lifað væri hún að halda upp á 75 ára afmælið sitt í dag.
Undarlegt að hún skuli vera farin úr lífi manns - jú - það er skrítið að vera munaðarlaus - eins og Bidda spurði mig að þegar hún var dýdáin. Þetta venst þó - en oft er manni hugsað til hennar - en eins og heilsan var orðin hjá henni - þá var lífið ekki orðinn neinn dans á rósum.
Þó finnst mér hún alls ekki vera farin - aðeins að ég hafi ekki heimsótt hana lengi - og eigi eftir að kíkja til hennar einn daginn - sem er gott. Ligg ekki í þunglyndi eða gráti yfir að hún skuli vera farin - ekki það að skilja að ég sakni hennar ekki - því það geri ég svo sannarlega - en heilsan var ekki upp á það marga fiska orðin hjá henni að hefði verið gaman að lifa þannig í nokkur ár í viðbót. Þannig er nú það.
Ætli þau pabbi séu ekki að fá sér kjötsúpu eða eitthvað annað góðgæti í nýju heimkynnum sínum - e.t.v. farin í heimsreisu - hver veit ! ........allavega trúir maður því að þeim líð vel á nýjum stað - og séu að gera skemmtilega hluti saman.
Bloggar | Slóð | Facebook | Athugasemdir (0)
16. júní
16.6.2010 | 09:04
Í dag er 88 ára afmælisdagurinn hans pabba- einnig eru 3 ár í dag síðan hann dó - skelfing líður tíminn hratt.
Þó pabbi og mamma séu bæði dáin - finnst mér það ennþá eitthvað svo óraunverulegt - finnst aðeins eins og ég hafi ekki heimsótt þau lengi. Að sjálfsögðu saknar maður þess að heyra ekki eða sjá þau - og einnig að hafa ekki munað hinar ýmsu sögur sem þau sögðu - og að spyrja þau út í eitt og annað í þeirra lífi.
T.d. hef ég aðeins verið að glugga í ýmsar minningar sem pabbi skrifaði - og myndi ég svo gjarnan vilja fá að vita nánar um eitt og annað. En hann var svo sem ekkert að upplýsa mann um líf sitt á árunum frá því hann var strákur - þar til hann og mamma tóku saman - og virðist mér það hafa verið ansi erfitt og stormasamt á köflum. (Því miður skrifaði mamma ekki niður neinar endurminningar - sem hefði verið svo gaman að fá að lesa).
Bloggar | Slóð | Facebook | Athugasemdir (0)
Sumarfrí....... vííí.......
15.6.2010 | 12:53
Það er alveg að detta inn. Ætlum að skella okkur á Vestfirði - ég fékk hús á Súðavík í gegnum VR og verðum við þar í viku - 170 fm hús - þannig að það ætti að vera rúmt um okkur. Ég var að kíkja á veðurspána - sem er í augnablikinu ekkert agalega spennandi - skýjað og rigning - en við látum það ekki hafa áhrif á okkur.
Skoðum okkur um á svæðinu - ýmislegt spennandi sem er hægt að sjá og skoða - best að fara að athuga veiðigræjurnar ef maður myndi ákveða að veiða eitthvað í soðið. Fékk leiðbeiningar í fyrra frá vinnufélaga - hvert væri gaman að kíkja í veiði - AAAAAAAlveg ókeypis ! Held að maður verði að slá til.
Ég er búin að finna oggu-pínulitla sundlaug í Mjóafirði sem stendur eiginlega ofan í fjörunni - börnunum líst misvel á þessa laug - lítill kofi - þar sem hægt er að skipta um föt - allir í einu. Eins og segir í lýsingu á þessum stað "þá situr maður í snarpheitri laug - og horfist í augu við selina í sjónum" - hljómar ekki leiðinlega.
Mig langar til að kíkja á Djúpuvík - ég man eftir að hafa séð myndina "Blóðrautt sólarlag" sem stelpa - myndin tekin upp þar - og í minningunni er þetta frekar óhugnanlegur staður - væri gaman að sjá með eigin augum. Við verðum að kíkja á Ísafjörð sem er í 20 km. fjarlægð - fara í ríkið þar ***glugg***glugg**** - nei ég held ekki - nema ef mann skyldi langa í einn öllara með heimabakaðri pizzu - yfir HM leikjum - sem verður litið á með öðru auganu.
Málið er að njóta þess að vera í fríi með börnunum - skoða eitthvað spennandi - liggja yfir spilum - í boltaleikjum - badminton - og vonandi að sitja með kaffibolla í smá sólbaði - þetta veður ljúft.
Um síðustu helgi var stelpudjamm í vinnunni - í fyrirtækinu starfa 170 manns - þar af erum við stelpurnar aðeins 12....... var mjög skemmtilegt - kokteilar - matur - hvítvín - bjór - tónlist - drykkjuleikur en þar kom ýmislegt fram.... hverjar hafa farið í 3-some - sofið hjá stelpu - gert það í bíó - o.fl. ........ég var sú eina sem hefur "gert það á smurstöð" - híhí! Mjög skemmtilegt kvöld - og vorum við allar sammála um að við þyrftum að endurtaka þetta aftur - þó ekki alveg strax.
Bloggar | Breytt 8.9.2010 kl. 11:22 | Slóð | Facebook | Athugasemdir (0)
Morgundagurinn......
28.5.2010 | 14:59
Jamm....... verða ekki "Júró"- partý út um allt ásamt kosningapartýum - það verður forvitninlegt að sjá hvaða fylgi "Georg Bjarnfreðarson" fær....... kæmi mér ekki á óvart þó hann fái talsvert fylgi - verður forvitnilegt að fylgjast með því.
Ég er svo sem enginn sérstakur aðdáandi íslenska lagsins - en hún syngur mjög vel - og auðvitað er skemmtilegra að vera með á aðalkvöldinu - ætli hún endi ekki á topp 5....... ....yfir í annað - skil ekki hvað Hollendingar voru að hugsa - mér fannst lagið HRÆÐILEGA leiðinlegt - enda er ég víst ekkert "Geirmundar-sveiflu-fan" ....á svo sem ekkert algjört uppáhalds lag - en þau lög sem heilla mig helst af þeim sem taka þátt eru frá Frakklandi, Þýskalandi, Danmörku og Rúmeníu - tyrkneska lagið er einnig fínt.
Við systur og familíur ætlum að hittast - grilla saman - og horfa á keppnina - nema e.t.v. mágur minn sem er í framboði - spurning hvort hann verði með okkur - eða annars staðar.......
Tanja og Sindri eru á fullu í prófum þessa daga - frekar pirruð yfir að þurfa að hanga inni í sólinni - þegar margir skólar eru búnir í prófum - og þeir krakkar njóta lífsins. En þau eru afskaplega dugleg þessar elskur - liggja yfir bókunum - og meira að segja voru bekkjarfélagar Tönju að hringja í hana fyrir stærðfræðiprófið - og biðja hana að útskýra eitt og annað fyrir sér ! ....hún er búin að bæta sig afar mikið þetta árið í sambandi við lærdóm - sem er frábært. Tanja er á fullu í ökutímum þessa dagana - og finnst það algjört æði - ökukennarinn hælir henni út og inn - og kemur hún úr hverjum ökutíma svífandi á bleiku skýi.
Alltaf nóg að gera í vinnunni - sem er gott mál - alltaf einhverjar breytingar í gangi - og talsverð vinna alltaf hjá okkur skvísum í sambandi við það. Mér finnst æðislegt að vera aftur komin í Borgartúnið - ef eitthvað þarf að útrétta - þá er nálægð við allt hér á þessum stað.
Síðan er spurning hvað gerist ef Ísland lendir í fyrsta sæti....... verða allir í gleðivímu - eða í sjokki yfir að þurfa að halda keppnina að ári............ jæja - skítt með allt - skál !
.......skálum einnig fyrir "allskonar fyrir aumingja"........ - hmmmmmmm....... skemmtilegt kosningaloforð!
Bloggar | Slóð | Facebook | Athugasemdir (0)
Lítil gelgja og spítukerling
17.5.2010 | 15:21
Erla mín er komin með smá gelgju-takta - spurning hvort hún smitist af eldri fjölskyldumeðlimum....... það er allt svo "vandró" - þessa dagana - "Mamma - ef ég fer í þessu í skólann - þá er það svo vandró!" - ef hún er með svona nesti - þá er það svo vandró - ef hún fer út að leika í hinu eða þessu - þá er það svo vandró - en það er nú bara krúttlegt
Maður hefur nú sjálfur í gegnum árin - lent í mjög "vandró" mómentum - hlutum sem maður er ekki að deila með öðrum - en sínum allra- allra nánustu - bæði hlutum sem eru í senn afskaplega vandræðalegir - en ógeðslega fyndnir - og uppákomum sem eru svo vandræðalegar - að helst vildi maður þá - að jörðin myndi opnast og gleypa mann!
Ég er föst í hálsinum - búin að vera svona síðan á föstudag - næ varla að hreyfa hausinn - ekki að horfa upp - eða til hliðar - og varla niður - frekar óþægilegt og asnalegt - er eins og vélmenni -eða spítukerling...... verið var að kynna nýjan starfsmann fyrir okkur áðan - við skvísur stóðum upp og heilsuðum - ég eins og vélmenni - stíf - eins og ég væri með prik í afturendanum - hahaha!!!!!
Í dag er aldarfjórðungur síðan ég kyssti hann Inga minn í fyrsta skipti - f á r á n l e g t....... hvað tíminn er fljótur að líða - manni finnst maður alltaf vera jafn ungur í anda og útliti - kannski það sé merki um að ég þurfi að láta athuga í mér sjónina
Andri er búinn í skólanum - Rest fer að byrja í prófatörn - Tanja mín er búin að bæta sig svo mikið í námi þennan vetur - sem er svo mikils virði fyrir hana - stendur sig eins og hetja - leggur mikið á sig - og mun það hjálpa henni seinna meir. Hún er búin að sækja um í framhaldsskóla - og hlakkar mikið til ef hún kemst inn þar sem hún merkti við sem fyrsta valkost.
Bloggar | Slóð | Facebook | Athugasemdir (0)
Vúhúúúú...... það er föstudagur
26.2.2010 | 11:13
Það er kominn föstudagur og ég er í svo góðu skapi - ekki það að ég verði að blogga um það - það sé svo sjaldan sem það gerist
Ég er búin að hlusta á lag í morgun með Moby...... erfitt að sitja kyrr með þetta lag í eyrunum - kann þó ekki við að dilla mér um of hér í stólnum - væri hægt að misskilja....... ehemm....... og stelpurnar hér í kring eru nú alveg "dirty-minded" ..... set þetta lag inn - og vona að það hafi jafn skemmtileg áhrif á ykkur - mér finnst þetta lag vera svo dillandi - mest langar mig til að stökkva upp og dansa !
Eigið góða helgi - og hlustið á góða tónlist...... hún er ómissandi
Bloggar | Slóð | Facebook | Athugasemdir (0)
Gleðilegt ár.......
11.1.2010 | 09:44
Er ekki kominn tími á örlítið blogg - hérna megin.
Jólin og áramótin liðu alltof hratt að mínu mati, tengdó voru í mat hjá okkur á aðfangadag ásamt Gutta litla - sem var afskaplega spenntur yfir pökkunum, hann var í banastuði að opna sína pakka - og var ekkert á því að fara með "pabba sínum og mömmu" þegar þau voru að fara.... litla krúttið
Á jóladag hittumst við systur og fjölskyldur heima hjá mér - allir komu með eitthvað á hlaðborð - þannig að lítið var haft fyrir því jólaboði - en heppnaðist mjög vel, börnin eru orðin það stór og lítið vesen á þeim - sátu þau mestallan tímann inni í Tönju herbergi og spiluðu "Alias" spilið. Erla er alveg óskaplega hrifin af því spili - og var það spilað út í eitt þennan tíma - með vinum Sindra og Andra og með vinkonum Tönju - ef við Ingi vorum ekki heima - eða ef við vorum að sýsla eitthvað annað.
Á öðrum í jólum var jólaboð heima hjá Guðbjörgu mágkonu minni - allir Inga megin í fjölskyldunni hittust þar í þrírétta máltíð - og var það afskaplega vel heppnað.
Ég var í vinnu milli jóla og nýárs - nóg að gera í vinnunni - enda mánaðamót / áramót. Vann fyrir hádegi á gamlársdag - til að ná að klára eitt og annað. Ingi dúllaðist heima á meðan - fór einnig og keypti smá af flugeldum - enda er hann sprengjuóður með afbrigðum ! Hann klikkaði reynda rá að kaupa freyðivín fyrir "frúna sína" - en hann reddaði því síðan - þessi elska . Kiddi og Magga komu í mat á gamlársdag, við Ingi vorum búin að pipargrafa nautakjöt í forrétt, fylla lambahrygg í aðalrétt ásamt ýmsu meðlæti - og eftirréttir settu síðan punktinn yfir i-ið - allt var þetta alveg ótrúleg gott. Horfðum saman á Skaupið - sprengdum saman - skáluðum fyrir nýja árinu - sem leggst vel í okkur - þýðir svo sem ekkert annað.
Nýja árið byrjar með látum - mikið að gera í vinnunni - íbúðin hjá m og p seldist rétt fyrir jól - og á að afhendast næsta föstudag. Var ég alla helgina að tæma það sem eftir var - og þrífa allt hátt og lágt - vorum á tímabili 12 á staðnum - gekk allt mjög vel. Ótrúlegt hvað þessi skipti - og allt í kringum þau hafa gengið vel - þrátt fyrir að við erum 9 systkinin - við systur erum 4 og hálfsystkinin eru 5. Við erum búin að hittast nokkuð oft í kringum þessi skipti - og náum mjög vel saman - og ætlum að halda áfram að hittast - u.þ.b. 1 x í mánuði - sem er frábært. Maður er búinn að heyra svo margar sögur af ósætti systkina í sambandi við skiptingu á dánarbúum - og bjóst maður svo sem alveg eins við að eitthvað myndi koma upp á þetta fjölmennum hópi - í byrjun var talað um að við vildum öll að skiptin fari vel fram - og höfum við staðið við það!
Held að þessi færsla mín sé orðin þokkaleg í þetta skiptið. Læt þetta duga núna.
Bloggar | Slóð | Facebook | Athugasemdir (0)
2 dagar til jóla.......
22.12.2009 | 10:31
........og ég hlakka svo til....... er eins og börnin, verður yndislegt að eyða tímanum saman.... spila - lesa - fá heimsóknir - fara í heimsóknir...... yndislegt !
Tók jólatréð inn í gær, og verður það skreytt í kvöld. Ásamt smá bæjarstússi okkar hjóna. Reyndar er yndislegt að stinga af út - bara 2 ein....... maður á að gera meira af því.
Spenningur í loftinu - erfitt að bíða - hjá blessuðum börnunum...... tilhlökkun - en samt eru þau svo góð. Ég útbjó lista fyrir þau í gær - tiltektarlista - og þegar ég kom heim úr vinnunni - voru þau næstum búin með allt sem var á listanum - jólatónlist í botni og kökuilmur frammi á gangi....... jólin eru að koma !
Ég ætla að vera í fríi á morgun og verð í fríi á aðfangadagsmorgun, enda er meira að gera hjá mér milli jóla og nýárs. Jólastússast á morgun með börnunum - útbý eftirrétti - fer í skötu til tengdó - og ef veður leyfir - verður smá bæjarrölt.
Set inn yndislegt lag fyrir daginn í dag - frábær söngkona.... vona að þið njótið þessa. Setti inn útgáfu með texta... þannig að þið getið sungið með
Bloggar | Breytt s.d. kl. 11:27 | Slóð | Facebook | Athugasemdir (0)
3..... dagar til jóla
21.12.2009 | 11:36
Frábær dagur en allt of stutt í jólin....... en yndislegt að þau skuli vera að detta inn.
Við Ingi alveg að verða búin að græja allt fyrir hátíðina, eigum þó eftir að ákveða endanlega hvað á að gefa bönunum. Búið að kaupa hluta fyrir Erlu - en eftir að fá aðeins meira fyrir hana. Vorum í gærkvöldi að skreyta og fara yfir jólaskrautið - ég útbjó skreytingar í 4 skálar - þannig að hvert þeirra fékk eina skál í sitt herbergi - þau voru mjög sátt...... enda fór eitt og annað jólaskraut upp til þeirra. Á þó eftir að setja eitthvað jólaskraut upp í okkar Inga herbergi.
Ætlum við að setja jólatréð upp á morgun - og eiga síðan Þorláksmessu til að dinglast og njóta lífsins saman. Reyndar eru tengdó búin að bjóða mér í skötuveislu á Þorlák...... ég ætla að mæta til þeirra - og gæða mér á þessum dýrindis mat..... elda hann ekki sjálf - enda er ég sú eina á mínu heimili sem borða þetta. Kíkja síðan í bæinn með elskunum mínum - fá sér heitt kakó - og njóta lífsins saman, koma síðan heim - hlusta á jólalög - og dúllast eitt og annað fyrir jólin.
Set inn í dag lag sem var vinsælt í kringum 1985 - dálítið gaman að horfa á myndbandið - vá hvað fólkið var ungt þarna...... en er orðið fullorðið í dag - þetta hefur ekki komið fyrir mig - ég er ennþá sætari og unglegri í dag en árið 1985....... ehemm! ....frábært lag sem eldist ekki neitt.
Bloggar | Slóð | Facebook | Athugasemdir (1)