Blogglata frúin

jamm... ég er víst búin að vera óttalega löt að blogga að ráði síðustu vikur - en þetta kemur allt saman. 

Ég kíkti að gamni inn á eldri bloggfærslur mínar - en skrítið hvað er stutt síðan ég var nú samt að skrifa þær - þó svo séu liðin nærri 2 ár frá fyrstu færslu. 

Þetta er svo sem hálfgerð dagbók hjá manni - að hluta til - að sjálfsögðu er hún ekki tæmandi - enda held ég vinir fjölskylda séu ekkert áfjáð í að lesa allt sem flýgur í gegnum hugann minn - gæti að sjálfsögðu verið afar krassandi lesning   ...... en læt þetta haldast áfram eins og hefur verið.

Sumarfríið var á rólegri nótunum - enda tók Ingi upp á að fá lungnabólgu.  Ég var nú farin að halda að hann væri kominn með ofnæmi fyrir mér - að vera of mikið með mér - en eftir 4 heimsóknir  til lækna - fékk hann úr því skorið að hann væri með lungnabólgu.....  En við eyddum talsverðum tíma í sumarbústaðnum og nutum þess að gera svo sem ekki neitt nema dinglast saman - spila - fara í heita pottinn, lesa fara í sólbað.....  já bara afslöppun og nutum lífsins.  Enda komum við ósköp úthvíld eftir þetta frí.  Engar skoðunarferðir - eða langkeyrslur.

Síðan fór ég á ættarmót út frá mömmu ætt í lok júlí.  Ingi og Andri voru heima en ég tók hin 3 börnin með mér.  Fékk húsbílinn lánaðan hjá tengdó - sem eru bara BEST  - og vorum við ekkert smá fegin að mæta seint á föstudagskvöldi í roki og rigningu - og þurfa ekki að tjalda.  Gaman að hita ættingjana - og meira að segja er einn vinnufélagi frændi minn (hann er afskaplega fínn - þannig að ég er ekkert hissa að hann skuli vera frændi minn..... ).

Við vorum á tjaldstæðinu á Kirkjubæjarklaustri - sem er afskaplega fínt - góð aðstaða til alls.  Við grilluðum saman á laugardagskvöldinu - börnin voru í fótbolta en þau 3 yngstu voru í Bratz leik - lögðu tjaldið hjá Öddu og Emil undir sig í leikinn.  Mjög fínt veður á laugardeginum en blautt á sunnudeginum þegar verið var að taka saman - þannig að öll börnin sér morgunmat hjá okkur og horfðu síðan á DVD mynd meðan foreldrar tukur niður blaut tjöld.

Síðan tók vinnan aftur við - lífið fer í sínar skorður alltaf á endanum - er allavega heppin að vera ánægð í vinnunni og í raun hlakka til að mæta í hana á hverjum degi - góður starfsmórall - og öll aðstaða til fyrirmyndar, kannski er stundum aðeins of mikið að gera - en dagurinn er nú líka afar fljótur að líða, en þegar eru sumarfrí - þá gengur maður aðeins inn í störf annara - sem er bara hið besta mál.

Skólarnir byrja í næstu viku - OMG....... hvað er stutt þangað til  - síðustu skólaslit voru í síðustu viku (hér um bil)   ..... Erla hlakkar að sjálfsögðu til að byrja í skólanum - búin að fá skólatösku og pennaveski - bleikt að lit - prinsessan mín.

Jæja - verð að gera eitthvað hérna megin - Erla vill komast í bað með dúkkuna sína - best að láta það eftir þessari elsku.