Æ... krúttið mitt - ertu að þrífa.......

..... sagði Erla við mig áðan þegar ég var að þrífa baðherbergið...... hún er svo fyndin þessi elska......

Annars þá var hún að fá sent í pósti nestibox frá Osta og Smjörsölunni, ásamt húfu og strokleðri - og er hún alsæl með þessa sendingu "en hvað á ég að gera með 2 nestibox" spurði hún síðan pabba sinn...... nú til að hafa til skiptanna..... jaaaá..... sniðugt

Við fórum í Smáralindina á laugardag með börnin, Erla náði að draga pabba sinn inn í fatabúð að skoða og máta föt (á meðan var ég með Tönju að kaupa bleikt skol til að setja í hárið hennar) - Erla var búin að draga pabba sinn inn í mátunarklefa að máta bol og eitthvað fleira - þegar pabbi hennar sagði "eigum við ekki að biðja mömmu og Tönju að koma og sjá þig?"    ......Nei... sagði Erla - mamma segi alltaf nei við mig.......    ....hún ætlaði  sér sko aldeilis að dobbla pabba sinn meðan mamma hennar væri ekki með - enda kom hálfgerður uppgjafarsvipur á hana í mátunarklefanum þegar "mamma gribba" mætti á staðinn....... tíhíhí........   ...annars þá fann ég voða sætan silfurlitaðan bol fyrir hana..... þannig að hún fyrirgaf pabba sínum að hafa hleypt mér nærri !

Andri mætir í skólann á morgunn - fær stundatöflu og byrjar af fullri alvöru á föstudag, restin af börnunum mæta í skólann á föstudag, og byrja síðan á mánudag - eins og  sennilega flest öll önnur börn í Reykjavík.

Ætli ég hiti ekki smá kaffi fyrir okkur hjónakornin, enda er "sakamálaþáttur í "TV-inu" á eftir sem við ætlum að horfa á.  Sendum börnin á fyrra fallinu í rúmið - þar sem blaðaútburður er í fyrramálið - og eins gott að fara að komu öllu heimilislífi í réttar skorður á ný eftir sumarfrí.