Langaði bara til að ........

.... setja þetta lag inn - við ætluðum að kaupa diskinn með þessum tónlistarmanni um daginn - en hvergi fáanlegur   - 

Mér finnst þetta lag flott - og fleirum finnst það augljóslega einnig - fyrst diskurinn var upp seldur

http://www.youtube.com/watch?v=21hJ_8-eKFo

Messa á morgun....

.... jebb nú ætlar mín í messu á morgun - ekki af því hún sé sérlega kirkjurækin - nei hún Tanja á að fermast næsta vor og á hún að draga um dag fyrir bekkinn í kirkjunni á morgun.  Þannig að það er skyldumæting     

Annars þá fannst mér ágætt að mæta í kirkju með Andra nokkrum sinnum veturinn sem hann fermdist - og býst við að gera hið sama með Tönju í vetur - þ.e.a.s. ef þær vinkonurnar vilji ekki bara mæta foreldralausar  - kemur í ljós - hún er samt ekki orðin það  mikil gelgja að vilja ekki fara eitthvað með foreldrunum

Við systur ætlum að kíkja í bæinn á kaffihús núna fyrir hádegi  - og í kvöld ætla Alma Glóð og Lilja Björt að gista hjá okkur (dætur Kidda og Möggu) - það verður bara gaman hjá krökkunum.  Annars þá voru Tanja og Stefanía að passa í gærkvöldi hjá Hröbbu og Hilmari - og gistu þær - þær koma síðan með okkur systrum á kaffihúsið.

Gaman að sjá þegar fólk skrifar í gestabókina - takk Dagný fyrir innlitið - maður hefði átt að drífa sig í heimsókn vestur til ykkar í sumar - en það bíður betri tíma - þú sparkar í rassinn á mér næst þegar við hittumst .

 

 

 

Yndislegi strákurinn minn......

... hann Sindri á afmæli í dag - 11 ára -  hann býður gestum og gangandi upp á saltstangir í tilefni dagsins 

Lag dagsins er.....

.... Last kiss með Pearl Jam...

http://youtube.com/watch?v=u0B-hJ_gotc

 

 

 

 

Gærkvöldið

Við vorum nú ekkert mjög mörg sem fórum eitthvað á milli 20 og 25 - en fínn hópur - að sjálfsögðu og skemmtum við okkur mjög vel.  Byrjuðum í rútunni á bjór og samlokum og var mikið spjallað. 

Byrjuðum á Stokkseyri í nýju Álfa- og tröllasafni, sem var skoðað vel - fordrykkur borinn fram í íshelli - sem var gaman að fara inn í.

Síðan lá leiðin í Þorlákshöfn í Kiwanishús staðarins - þar var grillað, dansað og djammað og drukkið til miðnættis, dönsuðum og var virkilega gaman.  Hvítvín, rauðvín og Tópas skot fyrir þá sem vildu.  Ég var ósköp pen í þessu en sumir voru orðnir þokkalega drukknir, en allir í mjög góðu skapi og var virkilega gaman.

Farið var af stað í bæinn um miðnætti og lá leiðin beint í Nýherja, ég, Esther, Brynja og Björg fórum þar út - þar sem við nenntum ekki að fara með liðinu í bæinn og djamma meira.

Ég fór inn og nældi mér í kafibolla, fór síðan út að spjalla við stelpurnar þar sem þær stóðu út við Tölvutek - og endum við þar að tala saman til kl. 04:00 - en þá skutlaði Brynja okkur heim.

p.s.  Ég setti inn nokkrar myndir frá gærkvöldinu.