Kaiser Chiefs

Ég er dálítið skotin í þessu lagi í augnablikinu.

 

http://youtube.com/watch?v=xPGZNWz0XAY

 

Hljómsveitin heitir Kaiser Chiefs af því þetta eru brjál... Leedsarar - og skírðu þeir hljómsveitina eftir liði sem Radebe lék í áður en hann kom til Leeds.....   öfgafullir djöflar !!!!  - -  vissir þú þetta Kiddi??

 

Ættarmótið o.fl.

Ættarmótið út frá Guðmundi afa og Þórunni ömmu var haldið í dag.

Ég fór og sótti Hröbbu og Hinrik - og brunuðum við síðan í salinn í Drafnarfellinu þar sem ættarmótið var haldið.

Ég verð að segja að þetta var mjög skemmtileg stund, frekar fámennt - en það var þá bara auðveldara að tala saman.  Egill og Valborg voru þau einu af systkinum pabba sem mættu - og var Valborg víst orðin viðþolslaus kl. 9:00 í morgun - hún hlakkaði orðið svo til að koma.  Egill mætir alltaf - en hann er óskaplega félagslyndur - Leifur mætti ekki - sagði þetta bara vera fyrir fjölskyldufólk - en hann er þó einn af þessari fjölskyldu. 

Að sjálfsögðu hefði verið skemmtilegra að sjá fleiri mæta - en þetta var fínt - ég spjallaði heilmikið við ættingjana - fólk sem ég hef varla hitt - þannig að ég var afskaplega ánægð með þennan dag.

Ingi fór með Andra og Tönju á Vals-hátíðina - og misstu þau af ættarmótinu.

Ég tók nokkrar myndir þarna og kem til með að setja þær fljótlega inn.

Andri er ekki farinn að stíga í fótinn - fékk hækjur - og sendir systkini sín óspart út um íbúðina til að sækja hitt og þetta.    -  Þetta tekur bara smá tíma....

 Tanja ætlar að gista hjá ingunni - hún og Sindri voru að fara út í fótbolta - en ég fer að fara með hana yfir til Ingunnar.

Ég læt þetta duga núna - -- ef þið frænkur og frændur kíkið hér inn - þá þætti mér mjög vænt að sjá nöfn ykkar í gestabókinni - blikk blikk.....

 Hafið þið gott - öll sömul ...

 

Tognun

Börnin mín eru í einhverju kappi í þessu - Andri tognaði á fæti í dag. 

Ingi fór með Andra upp á Slysó í dag og saman biðu þeir í 5 klukkutíma eftir að komast að ....

..... looooksins þegar þeir komust inn - voru þeir inni í 2 mínútur - ekkert hægt að gera -  hann jafnar sig fljótt á þessu - þetta er mjög sársaukafull tognun - en hann jafnar sig fljótt á henni - ætti janvel að ná að stíga í fætinn á þriðjudag.

 Á morgun er ættarmót - og síðan er Valshátíð - þannig að ég fer á ættarmótið (endar er það mín ætt) - meðan Ingi fer á Valshátíðina.

Annars þá er allt gott að frétta af okkur - fyrir utan tognunina. 

Skólinn byrjaður - það er ágætt...  þá kemst aðeins meiri regla á svefntíma barnanna.

 

Aulabrandari dagsins

Hvers vegna hanga hommar alltaf á pöbbum????

 

Jú, þeir eru ekki eins æstir í mömmurnar

Brian Ferry

Er t.d. að hlusta á þetta lag:

 

http://youtube.com/watch?v=S8jqcXnHEYM

Menningarnótt

Við kíktum í bæinn með börnin á menningarnótt.  Þeim fannst ekkert ofsalega spennandi, fullt af fólki, engar hljómsveitir eða einhverjir viðburðir á næsta götuhorni eins og var áður, þannig að við entumst ekki mjög lengi með þeim í bænum.

Ætluðum að sjá Pál Óskar og Móniku í Listasafni Einars Jónssonar - en þar var alveg pakkað - hefðum þurt að mæta klukkutíma fyrir viðburð til að fá góð sæti. 

Næstu menningarnótt ætlum við Ingi bara að fara 2 og dúllast þennan dag - Erla hefur litla þolinmæði í þetta. 

Enduðum á Subway, og síðan heim - fórum svo aftur af stað um kl. 22:30 og lögðum fyrir utan Nýherja til að sjá flugeldasýninguna, sem var að sjálfsögðu afskaplega flott - en við vorum of langt í burtu þannig að það voru ekki alveg nógu mikil læti.

 Erla Ósk er flutt til Danmerkur, var að fara þangað  í skóla - við fórum til hennar á fimmtudagskvöld til að kyssa hana og knúsa - komum til með að sakna skvísunnar - en hún kemur heim rétt fyrir næstu jól.  Hún á alltaf dálítið sérstakan stað í hjartanu mínu, enda var hún fyrsta barnið sem ég passaði (var ég þó orðin 20 ára þegar hún fæddist ) - ofdekruð af okkur Inga og vorum við í ágætisuppáhaldi hjá henni.

Meira að segja ég sem var minnsta prjónakona í heimi - náði að prjóna handa henni peysu þegar hún var 2gja ára

Ég ætla að kíkja á eftir í heimsókn til mömmu með börnin, -  síðan þarf að fara að drífa sig og versla inn fyrir skólann fyrir börnin, merkja það og hafa það allt saman tilbúið.

Síðan þarf að fara að taka til draslið heima, strauja og ganga frá allt of miklu (ARGH..).  Best að fara og setja allrahanda drasl í kassa og láta krakkana fara og halda tombólu einhvernsstaðar.

Ég læt þetta duga í þetta skiptið - Fjölskyldan er að horfa á myndina "Flushed away" og er hún virkilega skemmtileg - mæli með henni

Gay Pride

Af sjálfsögðu mætir maður á þessa hátíð.  Ótrúlega skemmtilegt að kíkja í bæinn á laugrdag.  Veðrið alveg ótrúlegt - að sitja í sólinni á Arnarhóli, njóta veðurblíðunnar og horfa á skemmtilega skrautlegt lið í kringum sig.

Einn var með hvítt pungbindi, svörtum leðurskálmum og vindurinn lék um berar rasskinnar - hljómar ljóðrænt - en okkur fannst það ekki svo sætt.

Erla er ekki til í að ég gefi Inga svona "dress" í afmælisgjöf.

Hún ætlaði sko að segja konunum í leikskólanum hvað bar fyrir augu hennar í göngunni - og 4 ára krakkar með "rassa" áhuga - nutu þess að horfa á þetta.

Annars er ekkert að frétta, Ingi liggur reyndar heima, að drepast í bakinu, eins og sagði við Snjólf í morgun þá "notaði" ég hann svo rækilega um helgina að hann er bara búinn eftir það.

 

Helú...

.... allir saman.  Vona að fólk hafi haft það gott um helgina.  Við fórum í sumarbústaðinná laugardag, byrjuðum reyndar á að kíkja á Kidda og Möggu en þau voru í hjólhýsinu á Úlfljótsvatni.  Við vorum svo elskulega að koma með rok með okkur til þeirra, enda er ekkert gaman að hanga þarna í sól og blíðu.  Enda urðum við ekki alveg eins vör við flugur þarna út af rokinu.  Við erum bara best að hugsa svona vel um fólk -er það ekki annars? -

Marteinn og Maggý voru þarna líka og skoðuðum við þeirra hjólhýsi einnig, er mikill metingur hjá þeim félögum hvor er með betra og flottara hús, ekki veit ég hvort þessi metingur er líka á kvöldin þegar fiðringur er kominn í fólkið - segi ekki meir  

En við brunuðum frá þeim í sveitasæluna, var samt frekar kalt og talsverður vindur, ég sem ætlaði að hafa það huggulegt með hvítvín í pottinum, en endaði með kaffibolla í pottinum brrrrrr.

Ingunn vinkona Tönju kom og gisti hjá okkur.  Hrabba og co kíktu síðan til okkar í kaffi á sunnudag, endaði þó á að við buðum þeim í grillaðan hrygg.  Þau voru að koma frá Ísafirði, þau sögðu að það væri mjög skondið að fara á eina bensínstöð á Ísafirði, allt væri þar á pólsku, pólskar matvörur og aðrar vörur frá Póllandi í hillum þar.  Þau upplifðu sig hálfpartinn eins og þau væru stödd í "Twilight Zone" - fara inn á íslenska bensínstöð - en vera þá allt í einu staddur í Póllandi.   Ef þið viljið upplifa þetta - þá vitið þið hvert á að fara.  (Þau voru líka mjög undarleg í háttum þetta kvöld hmmmm!)  sjá djók..

Um kvöldið var farið í heita pottinn og notið þess að horfa á himininn og skýin, en veðrið var afskaplega gott.

Á mánudag vorum við í leti, um hádegi var farið að tína saman og þrífa, og lagt af stað í bæinn.  Umferðin var bara mjög góð, lítil umferð, miðað við það sem við bjuggumst við.  Enduðum á Kentucky í Mosó - síðan farið heim og horft á DVD mynd.  Enduðum sem sagt í algjörri leti.

 

Verslunarmannahelgarveður

Það kveikir svo sem ekkert í manni að fara í tjaldútilegu þessa helgi - þannig að við erum að plana að fara bara í sumarbústaðinn.  Enginn er á leið þangað - þannig að ég býst frekar við að maður skelli sér þangað.

Liggja í heita pottinum, grilla, spila póker - eða eitthvað annað skemmtilegt borðspil, athuga hvort við sjáum einhver ber, og heimsækja síðan Brynju frænku Inga og co. ef þau eru á sínum stað. 

Við eigum nefnilega eftir að fara með afmælisgjöf til Hjalta. 

En ef við förum þá förum við ekki fyrr en í fyrramálið, þar sem fyrst þarf að klára blaðaútburð.

Þeir sem eiga leið fram hjá - eru velkomnir í kaffi.

 

 

Tognun í hálsi og vaskurinn

Ég fór heim úr vinnunni í gær, Andri hringdi og sagði að Tanja gæti ekki hreyft höfuðið, hún finndi svo til í hálsinum, hún væri bara að versna og versna og ég bara yrði að koma.

Ég dreif mig, Ingi hringdi á meðan á heilsugæsluna og var ráðlagt að koma með hana beint upp á bráðadeild (manni dettur alltaf í hug heilahimnubólga) - en svo kom í ljós að hún haði dottið illa á föstudag á hægri öxlina sem orsakaði þetta - hún er sem sagt tognuð í hálsi og eins og spítukerling þegar hún gengur um.  Tekur nokkra daga að jafna sig á þessu.

Hún var svo slæm að Andri þurfti að hjálpa henni í fötin.

Ingi ákvað að skúra einn þannig að ég gæti klárað að hafa Vaskinn tilbúinn. Eins gott að skila  á réttum tíma.  Þetta er svo sem ekki mikið, bara að hafa sig í þetta og klára.

Annars þá fór ég á fætur í morgun kl. 05:00 til að hjálpa börnunum að bera út blöðin, þau ættu að fá útborgað á morgun, gaman að sjá hvað þau fá. 

Ég ætla að láta þetta gott heita í bili.

Afmælið hjá Önnu og Gumma var mjög skemmtilegt - góðar veitingar, og allir í svo góðu skapi.  Erla Ósk og Valli voru frábærir veislustjórar - maður veit hvert maður leitar næst þegar mann vantar veislustjóra.

Tanja var á Rey Cup um helgina og lenti í 2 sæti í B riðli og var hún afskaplega ánægð með þá frammistöðu.

Þetta er gott í bili - allir að kvitta -

Kveðja - L A U J A