Afmælisbarn dagsins !

Stóri strákurinn minn hann Andri Snær á afmæli í dag - orðinn 17 ára þetta litla barn - sem er þó að verða höfðinu hærri en mamma sín

Til hamingju með daginn ástin mín - ég elda nú eitthvað gott fyrir þig - bjúgu og kartöflumús.....  ...hmmmmmmm - nei ætli það verði nú ekki eitthvað aðeins betra

Alltaf góðir...

Lover in the dark.......

Nýtt lag með Berndsen - mjög fínt lag - fékk smá OMD fíling þegar ég hlustaði á það -

Foreldrar tónlistarmannsins eru að vinna með mér - bæði tvö eru þau alveg yndislegar manneskjur - ef strákurinn hefur erft "genin" þeirra - þá vil ég gjarnan fá hann sem tengdason........ ég segi nú bara svona

Þá er Tanja búin í samræmdu prófunum.......

... og er afskaplega glöð og sæl með það - þessi elska

Allt gott af okkur að frétta, Sindri minn átti 13. ára afmæli þann 5. sept. s.l. - orðinn unglingur..... ekki þó kominn með unglingaveiki - þessi elska - alltaf svo ljúfur og góður.... alveg eins og mamma sín

Héldum bekkjarafmæli fyrir hann s.l. laugardag - sem heppnaðist ótrúlega vel.  Við útbjuggum ýmsa smárétti sem slógu heldur betur í gegn - enda allir orðnir leiðir á Dominos-pizzu afmælisveislum.  Einn vinur Sindra sagðist ætla að borða svooooooo  mikið - og ætlaði ekki að hætta fyrr en hann þyrfti að æla!   Ég hafði nú gaman af að heyra það !

Við útbjuggum litla sæta hamborgara - ég pantaði mini-hamborgarabrauð - og þeir slógu gjörsamlega í gegn - hrikalega flottir á borði - og mjög bragðgóðir.  Ég útbjó mini-pizzur, ítalskar kjötbollur og kjúklingaspjót.  Aðeins öðruvísi afmæli - sem sló gjörsamlega í gegn. 

Auðvitað voru kökur á eftir - sem þeir gerðu sömuleiðis góð skil.

Við erum með billjarðborð og fótboltaborð - og spiluðu þeir mjög mikið, horfðu á mynd og enduðu síðan úti í fótbolta - einhverjir laumuðust þó til að kíkja í "Playstation-tölvuna" - þeir voru alsælir allir saman - og Sindri þó sérstaklega - af því að vinunum fannst svo gaman.  Þeir voru 14 vinirnir - en ekki með neitt vesen eða leiðindi.

Ég ákvað um daginn að breyta mér alveg...... fór og lét fjarlægja hárlubbann sem ég var búin að fá gjörsamlega nóg af    Er núna með stutt og dökkt hár - algjör skvísa !   ... er afskaplega ánægð með þetta nýja "lúkk".  Einn vinnufélagi hafði á orði við mig hvað ég væri hrikalega flott svona - og hvort manninum þætti ekki gaman að fá "nýja konu" í rúmið    .....að sjálfsögðu sagði ég að minn maður væri afar ánægður með það - ehemm...... fer ekki nánar út í það

Ég fór á djammið með vinnunni fyrir tæpum 2 vikum, vorum að kveðja einn vinnufélaga - sem hætti hjá okkur í sumar.  Við byrjuðum á Spot..... pizzur og bjór - fórum síðan á Dillon - þar sem vinnufélagi (og fyrrverandi hljómsveitarmeðlimur Fræbblanna) - var að spila með hljómsveitinni HFF (Helvítis Fokking Fokk) - ekki léttasta danshljómsveit - en við skemmtum okkur konunglega - dönsuðum út í eitt - og margir voru duglegir að staupa sig....... sumir voru nú orðnir dálítið drukknir og valtir á fótunum - ekki ég þó.......  Enduðum við nokkur síðan kvöldið á Barböru (hinsegin stað) - dönsuðum eins og okkur væri borgað fyrir - og skemmtum okkur svooooo vel...... ótrúlega skemmtilegt kvöld - lítill hópur - aðeins hæðin mín þó ekki allir - við vorum u.þ.b. 12 - en skemmtum okkur öll afar vel.

Síðasta föstudagskvöld fór Ingi hins vegar á djammið - Versló djamm - orðin x..... ár síðan hann útskrifaðist.  Hann skemmti sér mjög vel - þó hann hafi ekki dansað af sér lappirnar eins og frúin hans vikunni áður  

Kominn tími á smá blogg - þarf e.t.v. að vera duglegri að setja örlítið inn....... ef tími gefst til.

 

Hvernig væri að þessir "snillingar" .......

.......myndu deila eignunum með okkur Íslendingum eins og skuldunum....... 

 

Eignir Íslendinga í skattaskjólum jukust um 40%

Flott lag

Jamm....... einhver sammála ?

Endilega lesið þessa frétt-

Ágætt fyrir fólk að vita hvernig framkoma hjá sumum fyrirtækjum er í garð annara.

http://visir.is/article/20090814/FRETTIR01/843473248 

 

Ég er svo dofin þessa daga.....

... sem er svo sem ekkert skrítið þar sem elsku besta og yndislega mamma mín dó í gær.

Ótrúlegt hvað eitt fall getur leitt af sér, þegar maður er orðinn lélegur til heilsunnar.

Hins vegar huggar maður sig við að nú sé hún laus úr þeim líkama - sem hún var orðin svo ósátt við.  Ég trúi því að  nú sé hún dansandi við pabba - glöð og ánægð - brosandi sínu fallega brosi - jafnvel farin að grípa í penslana sína - og galdra fram listaverk.... verst þó að ná ekki að sjá þau hjá henni. 

Verslunarmannahelgin

Eyddum henni í bænum.  Skúraði stöðina í gær og tók bílinn gjörsamlega í gegn!  Lá við að ég færi með eyrnapinna á hann - enda er hann orðinn þvílíkt hreinn og fínn !  Húrra fyrir mér !  Á meðan ég dundaði mér við  þessi þrif - tók Ingi lagerinn í gegn..... enda var orðin þörf á því.

Ingi tók alla gríslingana okkar á leikinn áðan Valur - KR - en þau eru ekki mikil lukkudýr - þessar elskur og tapaði Valur......

Ég dundaði mér við að elda oní svangt liðið á meðan - veislumat að sjálfsögðu.... og ákváðum við hjónin að opna 1 rauðvínsflösku svona til tilbreytingar.  Ég setti "playlista" á í tölvunni - og langar mig til að setja 1 lag hingað inn.... reyndar mun fleiri - en þetta lag heyrði ég fyrst þegar við Ingi vorum að byrja saman...... og hreifst ég strax af því.... hef ekki heyrt það lengi - en það er alltaf jafn indælt.

 

 

Maður ætti kannski að sækja um......

.......og hafa gaman af að láta eins og fífl í vinnunni....... allan daginn og fengið ágætislaun fyrir það. 

Hins vegar..... ef krafa er gerð um að nornin þurfi að vera mjög ófríð, með kryppu  og bólótt...... þá get ég gleymt því að sækja um.... er svo perfect !     hahahahahahahhaha........

 

Norn óskast: 10 milljóna króna árslaun í boði