Fréttir af pabba

Matta sendi mér SMS en pabbi er sem sagt að hressast.  Tekið var vefjasýni úr lungunum á honum s.l. föstudag - en ekkert kom út úr því sem er gott.  Hann er kominn á 2 manna stofu - og steig í fæturna í gær - eitthvað sem hann hefur ekki gert í þónokkurn tíma.  Þetta voru allavega góðar fréttir - en hann er samt talsvert ruglaður.  Var farinn að halda að Hrabba og Adda væru báðar búnar að skipta um nafn og farnar í læknisfræði - hann bað mig að kanna málið nánar. 

En það er bara dagamunur á honum, hann þekkir okkur og allt hans nánasta - en virðist vera að upplifa gamla atburði - og ruglar þeim dálítið saman við það sem er að gerast í dag.

 

Athugasemdir

[Margrét M, 7.6.2007 kl. 15:41]

æi .. ekki gott ástand en gott að hann er að hressast ..

[Matthildur B. Stefánsdóttir, 7.6.2007 kl. 22:34]

Pabbi sagði mér líka frá því í dag að einkaritari læknisins væri farinn að þjálfa hann.   Annars var hann bara með betra móti, hann er meira að segja orðinn líflegri á litinn.

Verð í fríi á morgun.  Bjössi er búinn með skólann og leikskólinn verður lokaður.  Ætla að kíkja í heimsókn til mömmu og líka til pabba.  Ég held að pabbi hlakki bara til að sjá krakkana, hann hefur ekki séð þau svo lengi.  Þórdís ætlar að færa honum blóm.

[Lauja, 7.6.2007 kl. 22:45]

Við biðjum voða vel að heilsa þeim Matta.  Þú sendir mér e.t.v. smá sms á morgun hvernig þau eru.  En við höfum það gott.

[Matthildur B. Stefánsdóttir, 7.6.2007 kl. 22:48]

Hæ aftur.  Gaman að skoða myndirnar.  Bestu kveðjur til ykkar.