Ný - ný - ný - ný -

já það eru komin ný lög í spilarann hér til hliðar...... héðan og þaðan - - falla kannski ekki í kramið hjá öllum - en ég hef gaman af þeim   -  að sjálfsögðu er eitt lag með "Aðalstjörnu bæjarins" honum Palla og síðan laumaði ég einni "Radíusflugu" með - pínu dónó.......

Grumpa, ég þarf að fá heimilisfangið þitt - til að koma smá sendingu til þín.  Þú getur sent á [e-mail] heimilisfangið þitt 

 Annars þá horfðí ég á hlustendaverðlaun FM á laugardag - og var búin að gleyma hversu skemmtileg þessi hljómsveit er......

http://youtube.com/watch?v=l6mD2lXV2so&feature=related

http://youtube.com/watch?v=H-Pwk0u4aEo&feature=related

 

Sindri vinnumaður

Já, hann er að fara í vinnu í fyrramálið í Húsdýragarðinn að moka skít, gefa dýrunum o.fl. í þeim dúr.  Hann er svo sem ekkert hoppandi af gleði yfir þessu - en finnst þetta þó allt í lagi.  Bekkurinn fer og verður í vinnu í 4 klukkutíma - þau hafa gott af þessu.

Ég fór áðan af stað til að kaupa á hann stígvél - ekki hægt að senda hann í þessa vinnu í strigaskóm - en að finna stígvél á svona gaur er ekki það auðveldasta í heimi.  Í Hagkaup voru Latabæjarstígvél  - hann hefði drepið mig með augnaráðinu ef ég hefði splæst í þannig útbúnað fyrir hann..... bekkurinn hefði litið hann hornauga - hann var búinn að fá nóg af búðarflakki með mér áðan - þannig að ég ákvað að halda áfram - en skilaði honum og Erlu heim til Tönju.

Endaði ég síðan á að finna stígvél fyrir hann í Smáralind - plain svört - þegar ég kom hins vegar heim - sagði ég honum að ekkert hefði fengist í hans stærð nema "Bósa ljósár" stígvél - djö... að hafa ekki verið með myndavélina uppi við - svipurinn sem kom á hann - átti hann 11 ára töffari að mæta í "Bósa" stígvélum!!!!!!  En þegar hann sá að ég var aðeins að grínast í honum varð léttara yfir andliti hans......

Nóg af þessu helgin var fín - grillið var vel nýtt þessa helgi, indverskt ilmaði í hverfinu á laugardag - kannski að ég fari þó að setja pásu á það - til að familían fái ekki nóg af því - það væri afleitt. 

Í gær bakaði ég pönnukökur - og kíkti ég til mömmu með nýbakað pönnsur - en þá átti hún ekki til sykur....... þannig að börnin skutust út í næsta hús og sníktu sykur hjá húsfrúnni þar á bæ - fyllti hún sykurkarið fyrir þau - enda er hún "Bestust" .  Andri var að sjálfsögðu að læra þessa helgi - þó með hléum - og í gærkvöldi fór Ingi með hann og Tönju á fótboltaleik - og vann Valur að sjálfsögðu.....   Á meðan var ég heima í leti með Sindra og Erlu - lét þau fara í bað - þau fóru saman - með 2 lítra flösku fulla af ísköldu vatni - þannig að þið getið ímyndað ykkur hvers lags skrækir komu af til frá baðherberginu - en mikið skemmtu þér við það  - algjörir vitleysingar......  Þegar baðið var búið - tók Erla til við að rífa í tætlur 250 bita púsl - eingöngu til að púsla það upp á nýtt.......

Held að þetta sé orðið gott í bili - ætla þó að enda þessu færlsu á að óska  tengdapabba til hamingju með afmælið í gær

 

Umhugsunarvert....

Vissir þú.....

.... að ef gínur í búðum væru raunverulegar konur væru þær of grannar til þess að fá blæðingar?

.... að af 3 milljörðum kvenna í heiminum eru aðeins u.þ.b. 10 súpermódel?

.... að Marlyn Monroe notaði stærð 14 (ameríska, sem er sama og 44 í evrópu) og hafði alla karlmenn í vasanum án þess að nokkur kvartaði yfir kílóunum á henni?

....að ef Barbie væri alvöru kona væri hún svo vansköpuð að hún yrði að ganga á fjórum fótum?

.... að konur eru að meðaltali 65 kíló (ekki hávaxnar) og nota stærðir 12 til 14 (amerískar = 42-44 í evrópu)?

.... að ein af hverjum 4 konum á háskólaaldri þjáist af einhverskonar átröskun?

.... að fyrirsæturnar í glanstímaritum og sjónvarpi eru lagaðar til í tölvu eða fiffaðar með lýsingu og ljósmyndatrikkum?

.... að rannsóknir hafa sýnt að fimm mínútna lestur glanstímarita veldur þungu skapi, skömm og sektarkennd hjá um 70%kvenna

.... að fyrirsætur fyrir 20 árum voru 8% léttari en konur almennt?

.... að fyrirsætur í dag eru 23% léttari en konur almennt?


Fegurð konunnar er ekki hægt að smækka niður í mælieiningar heldur felst hún í þeirri útgeislun sem ástin á sjálfri sér veitir hverri og einni.

-Fegurð felst í þroska og góðri sjálfsímynd og fer einungis batnandi með árunum.

-Spurningin er ekki um fatastærðir, kílóafjölda, hæð eða háralit, heldur er hún spurning um að læra að elska sjálfa sig frá toppi til táar.

-Hjálpumst að við að ýta undir góða sjálfsímynd hvorrar annarar.

Við erum allar æði...........og ekki gleyma því!

Í kvöld

..... eftir matinn og þessi venjulegu heimilisverk settist ég niður með kaffibolla -   og ferðaðist aðeins um síður bloggvina, las og skemmti mér konunglega yfir skrifum þeirra.  

Þegar ég var að lesa síðu hjá einum bloggvini - mundi ég eftir bráðskemmtilegum málsháttum eftir þann snilling.   Nú eru páskarnir liðnir og oftar en ekki koma hálf litlausir málshættir upp úr blessuðum eggjunum - jafnvel hálf undarlegir - sem enginn skilur - haldið þið að það myndi ekki lífga aðeins upp á páskadagsmorgunn ef við fengjum málshátt á við þennan.......  "Oft eru dáin hjón lík" - nú eða "Oft fara hommar á bak við menn" eða "Oft verða slökkviliðsmenn logandi hræddir".

Ætli Nóa-Síríus hafi dottið í hug að fara út í framleiðslu á "Stormskers" eggjum.  Þau myndu seljast upp á  "nó tæm".  Ég myndi allavega spreða í eitt svoleiðis - og hlakka virkilega til að sjá hvaða málshátt ég fengi.........

Annars þá var ég  var að lesa ljóð sem Stormsker samdi þegar hann var tvítugur - ég vildi að ég hefði þennan hæfileika - hver veit nema hann sé í leynum..... og bíði eftir að brjótast fram, tja reyndar samdi ég klámvísur hér einu sinni - kannski ekki mjög skvísulegt - en það fer nú ekkert lengra...... - afhverju haldið þið að Ingi hafi fallið svona gjörsamlega kylliflatur fyrir mér á sínum tíma.......   var það blíða brosið - eða......... eitthvað annað...

Góða nótt - dreymi ykkur fallega...

 

Tumi.....

... er nýjasti fjölskyldumeðlimurinn.  Andri fékk hann hjá bekkjarsystur sinni.  Þetta er lítill og sætur páfagaukur - og eru börnin alsæl með hann.  Hann er líka ósköp yndislegur.

Andri er að fara í samræmt próf á morgunn, undirbúningur hefur verið fínn - þökk sé frábærum aukakennara sem heitir Benni - hann nær að útskýra flókna hluti afar vel - þannig að Andri var mjög heppinn að komast til hans.   Hann hefur náð að útskýra ýmislegt fyrir honum sem hann var ekki alveg að ná - þá er ég sérstaklega að tala um stærðfræðina.  Andra finnst einnig mun auðveldara að  fá alla athygli kennarans - en að vera hluti af stórum bekk - enda er þessi elska með athyglisbrest.

Síðasta laugardag var Sindri æstur í að fá indverskan mat - þannig að ég fann uppskriftir - fór í búðina og græjaði - og var útkoman æðisleg.  Þegar við vorum í París í fyrra fórum við á indverskan stað - og urðu börnin yfir sig hrifin af matnum þar.  Allavega þá tókst þetta einstaklega vel - og er planið að útbúa aftur indverskt um næstu helgi - Sindri farinn að nudda saman höndum af tilhlökkun til helgarinnar.  Ef einhver ætlar að "poppa" inn á kvöldmatartíma á laugardag - væri ágætt að vita tímanlega - til að nóg sé til

Á sunnudag var farið í 3 falt barnaafmæli til Kidda og Möggu, en 3 af þeirra börnum eiga afmæli í apríl, Alma Glóð, Lilja Björt og Bjarni Freyr.  Veðrið var reyndar yndislegt á sunnudag og lá ég í sólbaði á svölunum ásamt Erlu, Tönju og Sindra, en hann dró stuttbuxurnar alveg niður til að fá lit á rassinn - Erla var nú ekki alsæl að sjá bróðir sinn sóla sig þannig......  annars þá er hann svo snöggur að fá á sig lit - liggur við að sé nóg að sólin skíni - þá  er hann orðinn kaffibrúnn.... heppinn.......   -  annað en sumir í familíunni - sem byrja að verða rauðir - síðan eldrauðir - en fá síðan frekar lítinn lit í lokin.  En afmælið var fínt - góðar veitingar - en enduðum við þó á að fara í einn kaffibolla í húsið við hliðina - eftir afmælið.  -  Maður á alltaf smá pláss fyrir kaffi.......

 Læt þetta duga í þetta skiptið - sumarið er víst komið - og maður er ekki enn farinn að plana fríið - ekki normalt á þessum bæ - sennilega af því við ætlum ekki að ferðast til útlanda þetta sumarið.   Ætli maður endi ekki á að kíkja í Reykhólasveit - og sníkja tjaldsvæði hjá einhverjum.... blikk blikk.....   .... síðan verður sólin elt - jafnvel til Dalvíkur....... en tjaldsvæðið þar er afar gott - við hliðina á sundlauginni - sem var mjög fín - og síðan að kíkja í kvöldkaffi til Gumma og Gerðu..... en eins og ég segi þá er ekkert planað - nema að Erla vill vera í 8 daga í sumarbústaðnum..... allavega...

 Nú er ég hætt - gleðilegt sumar allir - og hafið það gott.

 -Lauja

p.s.  Tanja er búin að fá einkunn úr "Hugsað um barn" verkefninu, fékk 9,7 í einkunn - sem er að ég held afar ásættanlegt.  Hún var samt afar fegin þegar verkefninu lauk, þannig að hún kemur til með að passa sig á strákunum næstu árin

Hmmmmmm......

...... rugluðust þeir á "bönkum" í bænum sínum...........

 tja...... það er spurning....... 

 þessi frétt minnti mig óneitanlega á þessa auglýsingu - þið verðið að horfa á hana.......

http://www.youtube.com/watch?v=VqBy6TgYxTU

 

 

 

Sæðisþjófur gripinn

Tanja varð mamma á föstudagskvöldið.......

.... en hún og hennar bekkur tóku þátt í forvarna- og fræðsluverkefninu "Hugsað um barn".

Barnið var sett í gang kl.19:00 á föstudagskvöld - grét mjög reglulega alla helgina - vildi pela í allt frá 20 - 40 mín. - síðan þurfti að skipta á barninu - láta það ropa og hugga það.  Að sjálfsögðu þurfti einnig að sinna því á nóttunni - og fannst Tönju það dálítið erfitt.

Hún fann að þetta var heilmikil vinna - vakna 3 x á nóttunni til að sinna barninu - enda áttu foreldrar ekki að hjálpa börnunum.  Hún var líka alveg búin á því í morgun. 

Við fórum í afmæli til Guðbjargar í gær - Snorri Steinn 4 ára og Eva Dögg og Helgi Þór 2 ára, Tanja varð að sjálfsögðu að hafa barnið með sér - og hélt Erla Ósk fyrst þegar hún leit á Tönju að hún væri með Baby born að leika sér - akkúrat það sem Tanja hafði mestar áhyggjur af  - að fólk héldi að hún væri í "baby born leik" - hún ....... skvísan........           -  Hún bar út blöðin á laugardag - með barnið hangandi framan á sér - fór með pabba sínum í Kringluna - og akkúrat þar  - þá byrjaði barnið að gráta -    "Jesus...... allir halda að ég sé í mömmuleik......"  ......  en mikið varð hún fegin í morgun þegar hún gat skilað barninu - notað daginn í dag til að "Chilla" - horfa óáreitt á Nágranna - og geta farið í tölvuna - spjalla við vini á MSN - án þess að einhver sé að taka allan hennar tíma - já svei mér þá - hún hafði mjög gott af þessu - og hugsar sig áreiðanlega 2 um áður en hún fer að hitta og fikta í strákum........

 Ég hafði ekki mikið að segja af ömmuhlutverkinu....... ....... nema að vekja mömmuna á nóttunni í einhver skipti - til að sinna barninu........ afinn var nú líka nokkuð duglegur að vakna og fylgjast með að mamman stæði sig.  Annars þá getur Tanja verið ótrúlega rotuð á nóttunni - þannig að við þurftum aðeins að pikka í hana í einhver skipti  -  - og var svo sem ekki blítt bros sem ég fékk  þegar ég vakti hana til að sinna móðurhlutverkinu.......

p.s.  Við vitum ekki hver pabbinn er - en það er verið að vinna í því.........

p.s.s.  Hmmmmmm systir mín hagaði sér furðulega í vesturbænum síðustu helgi - í eftirápartýi - hm..... hver veit nema ég lýsi því - þ.e.a.s. ef hún gerir það ekki sjálf hér í "commenti" hjá mér........

 

Helgin...

... var allt of fljót að líða - eins og þær eru alltaf. 

Við Ingi fórum í fimmtugsafmæli á föstudagskvöldið til Brynju - frænku Inga, mjög fínt en stoppuðum við ekki ýkja lengi.  Sóttum Tönju og vinkonu hennar en þær voru að passa börnin hjá Guðbjörgu og Ingó - en þau fóru úr afmælinu á svipuðum tíma og við.  Helgi Þór var vakandi - hann mátti ekki vera að því að sofa þegar skvísur voru í heimsókn.  Hann er reyndar búinn að vera lasinn og svaf talsvert þennan dag - þannig að hann var ekki ýkja syfjaður.

Á laugardag var farið á fætur kl. 5:30 - til að bera út Moggan með börnunum, en við vorum að leysa af þessa helgi 2 aukahverfi, gekk afar vel hjá okkur, þegar við komum heim ákvað ég hins vegar að skríða upp í rúm, til Erlu og var það afar ljúft.  Þegar við fórum að bera út, skreið hún með Sindra í okkar Inga rúm.   Ingi var það vel vakandi þannig að hann fór að horfa á einhverja mynd, en keyrði síðan Andra í skólann kl. 8:10 - en boðið er upp á aukatíma í skólanum fyrir samræmdu prófin næstu helgar fyrir prófin.

Ég sótti síðan Andra um kl. 11:00 og dró hann með mér í Bónus að versla.  Eftir hádegi fóru Ingi og Andri á leik - Valur - Færeyskt lið (tók svo sem ekki eftir nafninu á því - þau geta varla verið mörg  )  - Valur vann að sjálfsögðu - íha ! 

Ég fór með börnin í afmælið hans Hákons, hann er orðinn 4 ára, var setið þar og spjallað - og veitingum gerð góð skil.  Heimsótti ég síðan mömmu sem er í hvíldarinnlögn á Heilsuverndarstöðinni.  Hún er ekkert alsæl þar - hundleiðist, já hún ætlar sér ekki að vera þar mikið lengur - kemur heim á morgunn. 

Síðan sótti ég Sindra og Róbert í bíó, skutlaði Róberti heim, þá  fórum við Sindri og keyptum kvöldmat fyrir liðið.

Í gær var afar notalegt að þurfa ekki að vakna fyrir allar aldir til að bera út, ég vaknaði þó kl. 5:30 - pikkaði í Inga og sagði honum að við þyrftum að fara á fætur til að bera út - það virkaði hins vegar ekki   -  þýddi ekkert fyrir mig að reyna að gabba hann - hann sá í gegnum þetta hjá mér  

Ég fór á fætur með Erlu um 9:30 - og horfðum við saman á mynd sem heitir Mathilda, mjög skemmtileg mynd, nutum við þess að sitja saman - horfa á myndina og fá okkur ristað brauð - bara tvær....

Þegar börnin komu fram - fóru þau fljótlega að læra, ágætt að vera búin að því.  Ekki gerðum við neitt merkilegt þennan sunnudag, ég eldaði reyndar sítrónupasta - sem ég hafði ekki eldað í nokkur ár, það er afar gott og allir í fjölskyldunni vitlausir í það.

Læt þetta duga núna -

-Lauja

 

Apríl afmæli....

....... það er alveg óskiljanlegt hvað er mikið af afmælum allt í kringum mann í apríl, hvað er fólk upp til hópa að gera svona skemmtilegt 9 mán fyrir apríl............ aha - sumarfrí BINGÓ !!!!

Þeir sem eiga afmæli í kringum mig í apríl - já þetta er allstór hópur - ætla svo sem ekki að telja alla upp - ef ég skyldi gleyma einhverjum.......

Síðustu helgi komu Gústi, Júlía, Katrín og Valentína í heimsókn, og léku Erla og Katrín heilmikið saman, ætlum við að leyfa þeim að hittast oftar.  Afar gaman að fá þau í heimsókn. 

Síðan fórum við í afmæliskaffi til Möggu - en hún varð held ég 29 ára - eitthvað solleiðis  

Gaman að sjá fólk kvitta í gestabókina.  Takk fyrir síðast - Adda, Emil og Stefanía, og já Dagný það hefði verið mjög gaman ef þið hefðuð komist, við verðum bara að skella okkur í sveitina til ykkar í sumar - enda er alltaf gaman að kíkja vestur

 

Setti einnig smá bland í poka í spilarann

Sjálf hef ég alltaf verið skotin í laginu Unintended með Muse - hlstaði ég á það aftur og aftur á sínm tíma - fékk ekki leið á því - og hef ekki enn fengið leið á því.