Fyndið....

....já ég eiginlega grenjaði úr hlátri í gær þegar Tanja sagði mér af smá uppákomu á milli vina hennar og nýju stelpunnar í bekknum.

Á fimmtudag (eftir Sindra 80´s ball) var opið hús í skólanum fyrir 8 bekk.  

Ægir vinur Tönju sem fór í Hlíðaskóla í fyrra mætti á þetta opna hús ásamt Tuma vini sínum.  Að sjálfsögðu voru þau 3 að umgangast bekkinn og bara gaman, þegar vinkona Tönju sagði að henni finnist Tumi vera sætur - Tanja glennti upp augun og starði á hana - en fór síðan að hlæja - vinkona hennar skildi ekki upp eða niður í þessu ...... þannig að Tanja sagði henni að Tumi væri stelpa og héti Álfhildur.......

En Tumi er ótrúlega strákaleg, með strákaklippingu, gengur í strákafötum (meira að segja boxer) - og það er ekki skrítið að þeir sem ekki þekki hana haldi að hún sé strákur!!

En í gærkvöldi kom Ægir í heimsókn - og þau Tanja fóru síðan heim til Tuma og gistu þar. 

Ég keyrði þau niður eftir og að hlusta á samræður þeirra og pælingar - er bara yndislega skemmtilegt að hlusta á.

Það væri gaman að vera fluga á vegg og hlusta á það sem fer á milli þeirra þegar þau eru ein

Ægir er einnig mjög sérstök týpa, ef ég breyti einhverju hér heima - raða einhverju öðruvísi - þá er hann fyrsti maður að taka eftir því - "en flott hjá þér" - eða hann segir við mig "vá - flottir skór" - eða hann segir jafnvel "rosalega er flott á þér hárið" - - hann er öðruvísi en aðrir strákavinir barnanna minna - og þau Tanja eru perluvinir.   En það slettist þó stundum upp á vinskapinn - en stuttu seinna eru þau aftur orðin bestu vinir - þau eru stundum eins og systkini - enda búin að vera vinir síðan þau voru 5 ára

 

 

 

80´s ball hjá Tönju og Sindra

Tanja er í sjoppusjóðnum og var í skólanum að skreyta - þannig að hún náði ekki að verða eins "skrautleg" og bróðir hennar.

Sindri, Róbert og Margeir mættu hins vegar prúðbúnir á ballið eins og sjá má á meðfylgjandi myndum....... sem ég setti inn í albúm...

 

 

Eitt stykki lag - fyrir daginn í dag...

.... gæðin eru ekkert sérstök - en ég er virkilega skotin í þessu lagi

 http://youtube.com/watch?v=nfQOUR8GAfE

Við keyptum þessa plötu á síðustu menningarnótt - í Tólf tónum á Skólavörðustíg - og er ég að hlusta mikið á hana þessa dagana...

 

Lyklabörnin mín......

.... sem geta verið afskaplega gleymin.  Sindri er ósköp utanvið sig stundum og gleymir húslyklunum.  Fólkið á móti er með aukalykil en hvað gerist þegar þau eru ekki heima.......  jú þau lenda í veislu hjá Magga og Tótu - en þau búa við hliðina á okkur.

Þegar ég kom heim úr vinnunni í gær, sátu Sindri, Margeir og Róbert heima hjá þeim í góðu yfirlæti - drekkandi Kók light, og að næra sig á Doritos og vatnsmelónu og nammi - en Tóta var að koma heim frá Barcelóna úr vinnuferð. 

Þeir voru alsælir, fengu að tékka efri hæðina hjá þeim - skoða tölvur - skjái o.fl. í þeim dúr.  (Þeir voru strax í gær farnir að plana - ef Sindri myndi gleyma lyklunum atur þá gætu þeir kannski fengið að fara til þeirra - fengið popp - kók og að horfa á einhverja mynd !)  -  Meiri gríslingarnir......

Erla fékk sko líka að vera með í gær - Tóta leiddi hana inn til sín og gaf henni sér snakkskál - og var sú stutta í 7 himni yfir þessari meðferð!!

Maggi og Tóta eru á svipuðum aldri og Ingi - en eru barnlaus - og virðast þau bara vera ánægð að fá smá heimsókn af og til.

Hins vegar þá setti ég Sindra lykla í töskuna hans í morgunn....... hann gaf mér ekki hýrt auga þegar hann sá það..........  en það er gaman að þessu.

Auðvitað finnst þeim ósköp ljúft að einhver taki á móti þeim þegar þau koma úr skólanum - svo maður tali nú ekki um að fá svona meðferð..... hjá nágrönnunum.

Afi Tótu og langafi minn voru bræður - þannig að við erum þokkalega mikið skyldar, hins vegar hafði ég aldrei séð hana fyrr en flytjum við hliðina á þeim.

Mamma hennar er komin á níræðisaldur - afskaplega hress kona og í vor þvældist hún til Rússlands - ég kalla hana góða - það er óskandi að maður verði með hennar heilsu - á hennar aldri. 

 

Ykkur til skemmtunar....

.... set ég inn lýsingar um stjörnumerkin. 

Ég gat nú ekki séð neitt sameiginlegt með því sem er sagt um bogmanninn og mig    -  það stendur ekkert þarna  um fallega - góða konu sem er eins og álfadís.....  - nebb það er sennilega ekkert að marka þetta....  þið dæmið fyrir ykkur...

Hrútur (20. mars - 20. apríl): Þú ert óþolinmóður og fljótfær egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert keppnismaður og sérlega klár í að keppa við ranga aðila og slá tilgangslaus högg útí loftið.Þú ert kvikindi, en það hjálpar hversu einlægur, barnalegur og einfaldur þú ert.

Naut (20. apríl - 21. maí: Þú ert latur og þrjóskur, enda löngu staðnaður og fastur í sama farinu. Peningar og þægindi eru það eina sem þú hugsar um, enda háður nautnum, mat, sykri og skynörvandi efnum. Þú hreyfist ekki úr stað og selur sannfæringu þína hæstbjóðenda. Þú ert lítið betri en stífluð rotþró.

Tvíburi (21. maí - 20. júní: Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert sí ljúgandi, enda sérfræðingur í að gefa loforð sem þú getur ekki staðið við. Vissulega ertu vel gefinn, en þú sóar hæfileikum þínum í blaður og óþarfa.

Krabbi (21. júní - 23. júlí: Þú þykist vera töff, en ert í raun aumingi og tilfinningasósa, og getur ekki talað og tjáð þig, nema með því að væla og kvarta. Þú ert fastur í fortíðinni og munt því fyrr en síðar kafna í drasli og gömlum minningum. Þegar þú reiðist þá fer allt í einn graut og upp blossar grimmd og hefnigirni. En svona dags daglega þá ertu fúll, þunglyndur og sjálfsvorkunnsamur.

Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.

Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Bogmaður (22. nóvember - 21. desember): Þú ert týpan sem grautar í öllu, en kann ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við.

Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.

Vatnsberi (20. janúar - 19. febrúar): Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.

Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann.

Í gær fór ég í Barbí.....

.... leik með henni Erlu minni - hvað lætur maður ekki börnin stundum plata sig út í ???

En ég tók til í draslinu hennar um helgina - það er orðið það fínt hjá henni - að hún vill fara að leika í dótinu sínu.

Þannig að í gærkvöldi sátum við 2 saman í afskaplega skemmtilegum "barbí - bratz-dýra" leik - æ- þetta var mjög gaman - versta er að ég veit hvað hún biður mig um að gera í dag þegar leikskólinn er búinn  - þetta er fínt í smástund - en ekki dag eftir dag....... þó svo  það sé yndislegt að eiga stundir með börnunum.

Annars þá kíkti ég til mömmu í gær - Erla fór með mér þar sem restin var á "fótboltaleikjum" - þegar Erla kvaddi ömmu sína sagði hún við hana "þú ert svo krúttleg amma - ég elska þig" - mamma varð hálf vandræðalega þegar hún sagði þetta við hana - hefur áreiðanlega ekki heyrt þetta sagt við sig í möööörg ár !

 

 

Erla fór til löggunnar í dag

Hún er komin í skólahóp - og í dag átti að fara í heimsókn til löggunnar. 

Þau ætluðu að labba út í Spöng og taka þar strætó á Hlemm - og heimsækja Lögreglustöðina - jafnvel að skoða bílana.  Hjá 4 ára dömu er þetta heilmikil upplifun.  Og þar sem hún er svo mikil skvísa - byrjaði hún í gær að spá í hvaða fötum hún ætti að vera   -  byrjar snemma !!

Meðan ég útbjó kvöldmat læddist hún inn á baðherbergi og lokaði að sér - ég vissi að hún væri eitthvað að vesenast þar - alveg hljótt....... og stuttu seinna kemur hún fram - búin að laumast í snyrtidótið mitt og gera sig "fína" - hún spurði mig síðan hvort hún mætti mála sig á morgun? 

Hún var búin að setja púður á sig - ekkert annað - þetta var mjög vel gert hjá henni - hún var líka vægast sagt mjööööög ánægð með útkomuna.  Stóð fyrir framan spegil og sagði "ég er svo sæt"   -  yndisleg.

 Ég sagði við hana að hún væri svo falleg að hún þyrfti ekki að mála sig - og var hún bara sátt við það  

 Hún elskar að vera fín - fer t.d. í kjól eða pilsi í leikskólann á hverjum degi, skiptir oft um eyrnalokka, og ekki er sama hvað er sett í hárið á henni - --- hún verður góð á "gelgjunni" ef þetta heldur áfram hjá henni

 

 

Erla Ósk í Danmörku....

...... vildi bara setja heimusíðuna hennar Erlu Óskar hér inn - fyrir þá sem vilja fylgjast með henni - og læra ýmsar "viðeigandi" og "óviðeigandi" danskar setningar a´la ERLA perla  

http://www.blog.central.is/ofurperlan

Tanja fermist....

..... 30. mars n.k. - kl. 13:30 - þá er bara að athuga hvort salurinn sé laus þennan dag.  Það var sem sagt dregið um fermingardaga í morgun.  Þegar Andri fermdist drógu þau ekki um fermingardaga fyrr en í janúar - þannig að þetta er mun betra.

Hið fullkomna morð.....

.... ég las frétt á Mbl fyrir nokkrum árum - að sjálfsögðu er hún afskaplega sorgleg - en samt drepfyndin (eða er ég kannski bara með svona svartan húmor??) 

Allavega er mér alltaf hugsað til þessarar fréttar af og til.....

 

Eldri hjón í  bresku sveitaþorpi voru að snyrta garðinn sinn, maðurinn var í stiga með vélsög að snyrta trjátoppana, þegar hann hrasar og fellur úr stiganum - með sögina í höndunum -  í fallinu nær hann að afhausa konuna sína - en hún var fyrir neðan  stigann að snyrta blómabeðið.

Aumingjans maðurinn fékk  áfallahjálp eftir að hafa drepið konuna sína - ef þetta er ekki uppskrift af fullkomnu morði - þá veit ég ekki hvað !